Location:Home > News
Survey Shows Over 70 pct of Urban Women Live Happily 2012-05-27 16:52

ໃນລະຫວ່າງ ວັນທີ 5-9 ກັນຍາ 2011, ນາງ ແຈັສຊີກາ ວັດສັນ ຕົວແທນໄວໜຸ່ມ ຂອງອົງການອາຫານໂລກ ໄດ້ເດີນທາງມາຢ້ຽມຢາມ ແລະ ຖ່າຍທຳຢູ່ ສປປ ລາວ ໂດຍມີຈຸດປະສົງເພື່ອລະດົມ ທຶນສະໜັບສະໜູນໂຄງການອາຫານໃນໂຮງຮຽນ. ໃນການມາຢ້ຽມຢາມ ແລະ ຖ່າຍທຳຄັ້ງນີ້, ນາງ ແຈັສ ຊີກາ ວັດສັນ ແລະ ທິມງານ
ໄດ້ເຂົ້າພົບ ທ່ານ ລີຕູ້ ບົວປາວ ລັດຖະມົນຕີຊ່ວຍວ່າການ ກະຊວງສຶກສາ ທິການ ແລະ ກິລາ, ນຳພາໂດຍ ທ່ານ ນາງ ອີຣິ ຄູໂດະ ຕາງໜ້າອົງການອາຫານໂລກ ປະຈຳ ສປປ ລາວ ໃນຕອນ ບ່າຍຂອງວັນທີ 5 ກັນຍາ 2011.    ໃນຕອນບ່າຍຂອງວັນດຽວກັນນັ້ນ, ທັງສອງຝ່າຍກໍໄດ້ເຂົ້າຮ່ວມພິທີ ມອບ-ຮັບ ການຊ່ວຍເຫຼືອເງິນ ຈຳນວນ AUD 500,000 ຈາກອົງການ AusAID ເພື່ອຈັດຊື້ ເຂົ້າສະໜອງໃຫ້ນັກຮຽນຊັ້ນອະນຸບານ, ກຽມປະຖົມ ແລະ ປະຖົມສຶກສາໃນເຂດເປົ້າໝາຍ ພາຍໃຕ້ການເປັນປະທານຂອງ ທ່ານ ລີຕູ້ ບົວປາວ ລັດຖະມົນຕີຊ່ວຍວ່າການກະຊວງ ສຶກສາທິການ ແລະ ກິລາ, ມອບໂດຍ ທ່ານ ນາງ ລິນດາ ເວີກໄອຊົງ ເອກອັກຄະລັດ 
ຖະທູດອົດສະຕຣາລີ ຜູ້ມີອຳນາດເຕັມ ປະຈຳລາວ.
   ປະຈຸບັນ, ໂຄງການອາຫານເສີມ ກວມ 30 ເມືອງ, 6 ແຂວງ ແລະ ນັກຮຽນ 159,000 ຄົນ, ເປັນຍິງ 74,000 ຄົນ ແລະ ຊາຍ 85,000 ຄົນ ໄດ້ຮັບອາຫານຈາກໂຄງການດັ່ງກ່າວ.
   ໃນວັນທີ 6-8 ກັນຍາ 2011, ນາງ ແຈັສຊີກາ ວັດສັນ ພ້ອມດ້ວຍຄະນະທີ່ມາຈາກອົດສະຕຣາລີ ໄດ້ເດີນທາງໄປ ຢ້ຽມຢາມ ແລະ ຖ່າຍທຳຢູ່ໂຮງຮຽນປະຖົມເປົ້າໝາຍທີ່ເມືອງຕຸ້ມລານ ແລະ ຕະໂອ້ຍ, ແຂວງສາລະວັນ, ນຳພາຄະນະ ທີມງານໂດຍ ທ່ານ ນາງ ຢັ່ງເຊຍ ລີ ຜູ້ອຳນວຍການສູນການສຶກສາ ຮຽນຮ່ວມ, ກະຊວງສຶກສາທິການ ແລະ ກິລາ.
   ໃນຄ່ຳຄືນຂອງວັນທີ 8 ກັນຍາ 2011, ທີ່ໂຮງແຮມເສດຖາປະລາດ, ອົງການອາຫານໂລກ ແລະ ກະຊວງສຶກສາ ທິການ ແລະ ກິລາ ໄດ້ຮ່ວມກັນຖະແຫຼງຂ່າວຢ່າງເປັນທາງການກ່ຽວກັບຈຸດປະສົງຂອງການມາຢ້ຽມຢາມ ແລະ ຖ່າຍທຳ ໂຄງການອາຫານໃນໂຮງຮຽນ ໃນ ສປປ ລາວ ໂດຍມີນັກຂ່າວທຸກພາກສ່ວນ ທັງພາກລັດ ແລະ ເອກະຊົນ ເຂົ້າມາຮ່ວມ ຢ່າງຫຼວງຫຼາຍ. ພ້ອມກັນນັ້ນ, ຍັງໄດ້ຈັດພິທີຕ້ອນຮັບ ໂດຍມີບັນດາທ່ານ ການນຳຂັ້ນລັດຖະມົນຕີຈາກກະຊວງຕ່າງໆ, ເອກອັກຄະລັດຖະທູດປະເທດຕ່າງໆ ປະ ຈຳ ສປປ ລາວ, ບັນດາທ່ານທູດຕານຸທູດ, ຜູ້ຕາງໜ້າບັນດາອົງການຈັດຕັ້ງ ສາກົນ, ອົງການຈັດຕັ້ງທີ່ບໍ່ຂຶ້ນ ກັບລັດຖະບານ ແລະ ພາກສ່ວນກ່ຽວຂ້ອງທັງພາກລັດ ແລະ ເອກະຊົນ ຈຳນວນ 100 ກວ່າທ່ານ ເຂົ້າ ຮ່ວມງານດັ່ງກ່າວ.

 


 

 

Family Site School Sub-site
Copyright © Laos Ministry of Education and Sports Lao PDR
Ministry of Education and Sports Lao PDR